ယမကာလုလင်

ဘာမှတော့မဟုတ်ဘူးပေါ့ဗျာ ။ ကြည့်ပြီးပြုံးတေ့တေ့လေးဖြစ်ရတာပဲ ။ ကာတွန်းဆိုတာ ငယ်ကတည်းကကြိုက်မိတယ် ဗျ ။ သရော်တဲ့ ကာတွန်းတွေ ဆိုပိုကြိုက်တယ် ။ ငယ်တုန်းက မဂ္ဂဇင်း နဲ့ သတင်းစာတွေ မှာ အမြဲကြည့်မိတယ် ။ ကြည့်တိုင်း ပြည်သူ့ တွေရဲ့ ခံစားချက်နဲ့ တစ်ထပ်တည်း ဖြစ်နေတာကို တွေ့ ရတယ် ။ ပြည့်သူ့ သဘောထားအမှန်ကို ဖေါ်ပြနိုင်စွမ်းရှိတဲ့ သူ့ တို့ လက်ရာကိုလည်း လေးစားမိတယ် ။
ခုလည်း ကာတွန်းဆရာကိုဟန်လေး ရဲ့ လက်ရာကို လည်း ကြိုက်နှစ်သက်မိတယ် ။ ခုလည်း သဘောကျလို့ စုထားတဲ့ ကာတွန်း လေးတွေကို လည်း မောင်နှမတွေ အတွက်ပြန်ပြီးမျှပေးလိုက်ပါတယ် ဗျာ ။ သရော်တဲ့ ကာတွန်းကြိုက်တဲ့လူတွေ ခံစားနိုင်ပါစေဗျာ ။





ဒီပုံကြည့်မိတော့ လွယ်အိတ်နဲ့ ကလေးကို ကိုင်မြှောက်နေတာ ၊ လွယ်အိတ်မှာက 1942 ဆိုတာတွေ့ မိတော့ ဒါဟာ ပြည်သူ့ တွေ မွေးထုတ်ခဲ့တဲ့ တပ်မတော် ခုနှစ်ဆိုတာ ပထမဆုံးခံစားမိတယ် ဗျာ ။ နောက်က စပါးပုံကလည်း အကြီးကြီး ပဲ ဗျ ။ နောက်ကျတော့ ပြည်သူ့ ကျွေး ဆိုတဲ့ အခါကျတော့ စပါးပုံ ကလျော့လာပြီ ။ နောက်ဆုံး ပုံကတော့ အဲ့လိုများ တစ်ကယ် ဖြစ်နေတာလား ဆိုတာ စဉ်းစားကြည့်နေမိတယ် ဗျာ ။




ဒီပုံ ကျပြန်တော့လည်း ဥပဒေ တွေ နဲ့  ပုဒ်မတွေ နဲ့ ၊ တွေ့ ဆုံ ဆွေးနွေးဖို့ အရေး ခက်ခဲနေလိုက်တာများ ကြည့်တာနဲ့ ပြုံးတေ့တေ့ပဲ ဗျ ။

ဒါကျတော့ပြန်လည်း ရွေးကောက်ပွဲ အတွက်ပြောင်ထားတဲ့သရော်ထားတဲ့ ပုံလေးမို့ ကြိုက်တယ် ။ လူစုစုမြင်ရင် လန့် နေတော့လည်း ၊ ဒီလိုဖြစ်လာ ရင် ရီရချေသေးရဲ့ ဗျာ ။



ဒါလေးလည်း သဘောကျမိပါရဲ့ ဗျာ ။ စိုက်ခိုင်းတာဘာကြောင့်မှန်းမသိ ၊ စီမံကိန်းနဲ့ စိုက်ခိုင်းနေတာပဲ ။ အောင်မြင် ဖြစ်ထွန်းလား ၊ မဖြစ်ထွန်းလားဆိုတာ ပြည်သူ့ တွေ အသိပါ ။ တစ်ကယ့် ဟာတွေ တော့ရောင်းစားဖို့ လုပ်နေတာ ပြည်သူ့ အတွက်မဖြစ်သေးပါလားဆိုတာ သဘောပေါက်သွားမိတယ် ။



အင်း ဒီပုံလေး ဖတ်မိတော့ အတော်ရီချင်သွားတယ် ။ ဟုတ်မှာပါလေ သူ့ ခမျာ လုပ်ရတာ ပင်ပန်းတော့ မိဘမဲ့ဖြစ်ချင်တော့မှာပေါ့ဗျာ ။ ရွာမှာနေတုန်းက စစ်သားတွေ ကားလမ်းကို ကတ္တရာခင်းတာမြင်ဖူးတယ် ။ ဗိုလ်ကြီးတွေက ဟိုခိုင်း ၊ ဒီခိုင်းပေါ့ဗျာ ။ တစ်ကယ်လက်အောက်ငယ်သားတွေပဲ လုပ်နေရတာ ။ ဒီကြားထဲ သတ်မှတ်ထားတဲ့အချိန် နဲ့ အမှီပြီးအောင် ၊ လူကြီးတွေ လာတော့မယ် ဆိုရင် ရွာသားတွေပါ မနေရဘူး လုပ်အားပေးတယ် ခေါ်တာပေါ့ နော် :P ရွာသားတွေကိုအနိုင့်မကျင့်ပါဘူးဗျာ ညှင်ညှင်သာသာပဲ ဟောက်စားလုပ်တာပါ :D


အင်း ဒါကျတော့ပြန်လည်း အမ်အယ်ဒီ ပါတီကြီး အဖြစ်ကိုရီချင်တယ် ။ ၁၉၉၀ ဆိုတဲ့ကမ်းပါးကလည်း မခိုင်တော့ဘူး ။ ရှေ့က ၂၀၁၀ ဆိုတဲ့ ကမ်းပါးမှာကလည်း ခုန်တက်လိုက်လို့ လက်နဲ့ ဖိထားတာ လွတ်ချလိုက်ရင် သူ့ ခမျာ ချောက်ထဲ ကျသွားနိုင်တယ် ။ ဒီတော့ဘာလုပ်လို့ ဘာကိုင်ရမှန်းမသိတဲ့ အနေအထားမှာ ဗျာ များနေတယ်ခေါ်မလား ။


ဒါတော့ အများမြင်ပါတယ် လေ ။ ကြာတော့လည်း ကြာခဲ့ပါပြီ
ဟဟ မော်တော်ပီကယ်တွေ ကူညီထားသမျှ တွေ အကုန် ဖေါ်နေတဲ့ပုံ ။ ဝီစီ ထဲတောင်မချန်ဘူး ထွက်လာတာ ။ ရွှီ ခနဲ့ ဆို ပိုက်ဆံရတတ်တာ သူ့ တို့ ပဲရှိတယ် ။ လိုင်စင်ရ ဓါးမြ ထဲမှာ သူ့ တို့ လည်းပါတယ် ။


ဦးဇင်းတို


အစ တုန်းက ကြည့်တော့ ဘာဆိုလို သလည်းပေါ့ ၊ မသိလိုက်ဘူး ။ နောက်မှ တစ်ခါပြန်ကြည့်မိတော့ ။ ကားမှာ ကားနံပါတ်နေရာမှာ BURMA ဆိုတာတွေ့ မှ သဘောပေါက်တော့တယ် ။ တိုင်းပြည်အုပ်ချုပ်တတ်ဖို့ မလိုဘူး တိုင်းပြည်ကထွက်တာတွေေ၇ာင်းစားဖို့ လိုတယ်လို့ များ ဆိုလေသလားလို့ ပါ ဗျာ :D


ဒါလည်း ပြုံးတေ့တေ့ပါပဲ ဗျာ




အော်ညီတူညီမျှ ဖြစ်စေရမယ် ဆိုတဲ့  ကာတွန်းလေးပါ



ဒါကတော့ နာဂစ်တုန်းက အခြေခံဥပဒေ ကို အတည်ပြုခဲ့တဲ့သရော်ကွက်လေးပါ ။ တစ်ကယ်ထိမိတယ် ။ ဒုက္ခရောက်နေတဲ့လူတွေကို ကူညီဖို့ ထက် သူ့ တို့  အတွက် အရင် လုပ်နေတဲ့ ထောက်ခံမဲ ယူတဲ့ ကာလပေါ့ဗျာ ။ ဒါကြောင့်လည်း ၉၉.၉% နဲ့  ပြည်သူ့ တွေ အသိအမှတ်ပြုတဲ့ အခြေခံဥပဒေ ကြီးဖြစ်သွားတာကိုးလို့ မြင်မိသေးတယ် :D


တစ်ခါတစ်လေ မွန်းကျပ်နေတာတွေ ၊ စိတ်ပင်ပန်းနေတာတွေ က ခုလို ကာတွန်းလေးတွေ က အမောပြေစေတယ် ။ ကာတွန်းလေးတွေဆို ကြိုက်တယ် ။ ဘာကာတွန်းပဲလာလာ ကြိုက်တယ် ။ ခုထိ အိမ်မှာ ကာတွန်းကားတွေ ဇာတ်လမ်းတွဲနဲ့ ကြည့်တာပဲ ။ နာရူတို ( NARUTO ) ဆိုတဲ့ ဇာတ်လမ်းတွဲ ကြည့်နေတာ မပြီးနိုင်သေးပါဘူးဗျာ ။ ခုလည်း စုထားတဲ့ ကာတွန်းတွေ ထဲက ကြိုက်မိတဲ့ ဟာလေးတွေကို မောင်နှမတွေ ပြုံးရပါစေတော့လို့  ။ ပြီးတော့ အရှိကို အရှိအတိုင်း မြင်တတ်ကျပါစေလို့  ။

အာဗာတာ ချစ်သူများအတွက် သတင်းကောင်းလေးပါ ။ အပျင်းပြေ ချင်တဲ့လူများ ၊ လက်တည့်စမ်းချင်သူများ ၊ လက်အငြိမ်မနေချင်တဲ့လူများအတွက် ၊ ပြီးတော့ အားလုံးပေါ့ဗျာ မျှပေးလိုက်ပါတယ်ဗျာ ။ ဘာမှလုပ်စရာကို မလိုပါဘူး အလိုက်သင့်လေးပဲ လုပ်ပေးယုံနဲ့ 
သင် ဟာ အာဗာတာ တစ်ယောက်လို ပုံ မျိုး ပိုင်ဆိုင်နိုင်ပါပြီဗျာ ။ လုပ်ချင်တဲ့ လူများ ဒီမှာ ဝင်သွားလိုက်ပါတော့ ဗျာ ။ လင့်ပေးတဲ့ သူငယ်ချင်းတရုတ်မ ကိုလည်း ကျေးဇူးတင်တယ်ဗျာ ။ တောင်ကြီးဖန်မရီးကနေ တင်လိုက်လို့ ပြန်ပြီးမျှပေးလိုက်တာပါ။

သူက ၈ လေးလုံး ဒီမိုကရေစီ လူထုအုံကြွမှုအတွင်း ပါဝင် ခဲ့သော ကျောင်းသား တစ်ဦး .... ထိုမှ သျှမ်းလက်နက် ကိုင်သူပုန် ခေါင်းဆောင်ဖြစ်ခဲ့သူ စ၀်ခွန်ကျော် (ခ) ကိုသံချောင်း။

သူနှင့် မီဒီယာသမားများ နယ်စပ်တစ်နေရာ၌ တွေ့ဆုံခွင့်ရခဲ့သည်။ အချိန်ကား ၂၀၀၃ ခုနှစ် အတွင်းက ဖြစ်သည်။

သူက သျှမ်းပြည်အတွင်း လက်နက်ကိုင်တော်လှန်ရေး ခရီးကြမ်း အတွေ့အကြုံများကို ဖေါက်သည်ချတော့သည်။

ထို အထဲတွင် သျှမ်းပြည်သူများ ကြုံတွေ့ခံစားနေရသည့် အဖြစ်အပျက်များ ပါဝင်သည်။

“သျှမ်းပြည်သူတွေ ခံစားရတဲ့ ဒုက္ခတွေက ကျနှော်တို့ ပြည်တွင်းထဲက လူတွေထက် အများကြီးဆိုးတယ် ဗမာစစ်တပ်က သျှမ်းဆိုရင် မိန်းမ ကလေး လူကြီး ဘုန်းကြီး မခွဲဘူး တွေ့သမျှအကုန် နှိပ်စက်တယ် သတ်တယ် ရွာ မီးရှို့ တယ်မုဒိန်းကျင့် တယ် ”

“သျှမ်းတွေဒီလိုခံစားနေရတော့ သူတို့ ကိုယ်ပိုင် တိုင်းပြည်ထူထောင်မယ်ဆိုရင် တရားပါတယ်ဗျာ ” လို့ နုလုံးသားထဲမှ လေးနက် ယုံကြည်စွာ ပြောသော စကားကို စာရေးသူ ယနေ့တိုင် မေ့မရ နိုင်ပဲရှိ နေသည်။

စာရေးသူကိုယ်တိုင် ပြည်နယ်သားတစ်ဦး ဖြစ်လေရာ ငယ်စဉ်က ဗမာစစ်တပ်၏ သောင်းကျန်းရမ်းကားမှု များကိုမျက်ဝါး ထင်ထင် မြင်တွေ့ဖူးသည်က တစ်ကြောင်း သူပြောသော စကားအရှိန်ကြောင့် တစ်ကြောင်း စိတ်ထဲတွင် တဒင်္ဂ ဒေါသူပုန် ထနေတော့သည်။

ငယ်စဉ်က အဖြစ်အပျက်တစ်ခုကို ပြေး၍ အမှတ်ရလာသည်။

ကချင်ပြည်နယ် မိုးလဲချောင်း တစ်လျှောက် သျှမ်းရွာများသို့ ဆန်စပါး အရောင်းအ၀ယ်ကိစ္စတစ်ခု နှင့် ခရီးထွက်ခဲ့စဉ် က ဖြစ်သည်။

မိုးတွင်းကာလ မိုးကလည်း တစိမ့်စိမ့် ရွာနေစဉ် ရွာသားများက မိုးလဲချောင်းဖြတ်ကူးရန် လှေသမ္ဗာန် ခတ်ကွင်းပြင်နေကြ သည်။

ထိုစဉ် ချောင်းဟိုမှာဘက်ကမ်း၌ ဒိုင်း... ဒိုင်း ဟု ကျယ်လှောင်သော သေနတ်ဖေါက်သံကို ကြားလိုက်ရသော အခါ ရွာသား တစ်စုမှာ ကြောက်လှန့် မှင်သက်ကုန်သည်။

မကြာမီ ဗမာစစ်တပ်မှ ကပ္ပတိန်တစ်ဦးက လှေကို ဒီဘက်ကို ယူခဲ့စမ်း .. မကြားဘူးလား .. သေသွားမယ်ဟုအော်ပြော လိုက်သဖြင့် ဗမာစစ်သားများအား အဆိုပါ လှေဖြင့်ရွာဘက်ကမ်းသို့ အရောက် ကြိုပေးခဲ့ရသည်။


ဗမာစစ်သားများ ရွာထဲရောက်သည်နှင့် ရွာသူကြီးအပါအ၀င် ရွာမှ လူရှိလူကုန် ဆင့်ခေါ်ကာ လူစုစေပြီး မင်းတို့ ဘာလူမျိုး တွေလဲ ဆိုကာ တစ်ယောက်ချင်းစီကို စစ်ဆေးမေးမြန်းလေတော့သည်။

ရွာသားများက သျှမ်းဟု ဖြေကြသည်။

ကချင်ပြည်နယ်တွင် ကချင်သူပုန်များ ထကြွနေသောကြောင့် ကချင်ဟုဖြေဆိုသူ ရှိခဲ့ပါလျှင် ဗမာစစ်ဗိုလ်က မည်သို့ပြုမူ မည်ကို ကြိုတင်မသိသော်လည်း ကောင်းမွန်စွာဆက်ဆံမည် မဟုတ်တာတော့ သေချာသည်။

ထိုအရာများက ပြည်ထောင်စု မြန်မာနိုင်ငံတော်အတွင်း နေထိုင်ကြသော တိုင်းရင်းသားများ၏ ဘ၀ ပုံရိပ် အပိုင်းအစတချို့ ဖြစ်သည်။

ယနေ့ဆိုလျှင် ဗမာခေါင်းဆောင် ဗိုလ်ချုပ်အောင်ဆန်းနှင့် ကချင် ချင်း ရှမ်း စသည့် တိုင်းရင်းသား ခေါင်းဆောင်များ ဗြိတိသျှ ကိုလိုနီ ကျွန်ဘ၀မှ လွတ်မြောက်ရန် ရှမ်းပြည် ပင်လုံမြို့၌ စာချုပ်ချုပ် ဆိုခဲ့သည်မှာ ၆၃ နှစ်တိုင်ခဲ့လေပြီ။

တနည်းအားဖြင့် တိုင်းရင်းသားများက အမျိုးသားတန်းတူရေးအပေါ် အခြေခံသော ပြည်ထောင်စု နိုင်ငံတော် သစ် ထူထောင်ရန် သဘောတူ လက်မှတ်ထိုးသည့် နေ့ဖြစ်သည်။

သို့သော် ၆၃ နှစ်ကြာလာသည့် တိုင် ပင်လုံစာချုပ်၏ အနှစ်သာရ အရ ထူထောင်မည့် ပြည်ထောင်စု စနစ် ကိုဗမာစစ် ခေါင်းဆောင်များက ကျောခိုင်းထားရုံ မျှမက ဖြောင့်ဖြောင့်ကြီးပင် ဆန့်ကျင် ပြနေသည်။

တစ်ဖက်တွင် အရေခြုံ ပြည်ထောင်စုစနစ်ကိုသာ အသက်သွင်းလျှက်ရှိသည်။

ယနေ့ ကျရောက်သည့် ပြည်ထောင်စုနေ့တွင် နိုင်ငံတစ်ဝှန်း၌ လက်ရှိ နိုင်ငံတော် အကြီးအကဲ ဆိုသူ နအဖ (နိုင်ငံတော် အေးချမ်း သာယာရေးနှင့် ဖွံ့ဖြိုးရေးကောင်စီ) ဥက္ကဋ္ဌ ဗိုလ်ချုပ်မှူးကြီး သန်းရွှေ၏ မိန့်ခွန်းတိုကိုသာ ရွတ်ဖတ်နိုင်ကြတော့ သည်။

၅ မိနစ်မျှသာ ကြာသည့် သူ၏ မိန့်ခွန်းတိုမှာ ပြည်ထောင်စုဖြစ်ပေါ်လာသည့် သမိုင်းကြောင်းနှင့် ဗိုလ်ချုပ် အောင်ဆန်း အပါအ၀င် တိုင်းရင်းသားခေါင်းဆောင်ကြီးများ၏ အမည်ကိုပင်ထည့်သွင်းခြင်း မပြုတော့ပေ။

ဗိုလ်ချုပ်အောင်ဆန်းနှင့်တကွ တိုင်းရင်းသားခေါင်းဆောင်များ မျှော်မှန်းခဲ့သော ပြည်ထောင်စု၏ အနှစ်သာရများကို ပြည်ဖုံးကားချလိုက်လေပြီ။

လွတ်လပ်ရေးနှင့်အတူ ပြည်တွင်းစစ်သည်လည်း အတူမွေးဖွားခဲ့ခြင်းသည် ပြည်ထောင်စုမူကို အကောင်အထည်မဖေါ် နိုင်သောကြောင့် ဖြစ်သည်။

ထို့အတူ တိုင်းပြည်မှာလည်း ဖွတ်ကျောပြာစု ဘ၀ ဖြင့် ကုန်းကောက်စရာမရှိအောင်ဖြစ်နေပြီး တိုင်းရင်းသားတို့အခွင့် အရေးမှာ စစ်ဖိနပ်အောက် ပြားပြားမှောက်ခဲ့ရလေပြီ။

ထိုစဉ်က ဗမာတိုင်းရင်းသား ခေါင်းဆောင် ဗိုလ်ချုပ်အောင်ဆန်းက ပင်လုံစာချုပ်နှင့်ပတ်သက်၍ ဖွဲ့စည်းရမည့်နိုင်ငံတော် သစ်ကြီးသည် တစ်ပြည်ထောင်စနစ်ဖြင့်မဟုတ်ပဲ ပြည်ထောင်စုစနစ်ဖြင့်သာ ဖွဲ့စည်းရမည့် အကြောင်း ရှင်းရှင်းလင်းလင်း ပြောခဲ့သည်။

“ပြည်ထောင်စု နိုင်ငံတော်ဆိုကတည်းက ကျွန်တော်တို့ အခုဖွဲ့စည်းအုပ်ချုပ်ပုံ ဥပဒေဟာ unitary constitution လူမျိုး တစ်မျိုးတည်း ဆိုတဲ့ နိုင်ငံမျိုးမဟုတ်ပဲနဲ့ လူမျိုးပေါင်းစုံ ပြည်ထောင်စုနိုင်ငံဆိုတဲ့ အဓိပ္ပါယ် ရောက်သွားပါတယ်”

သူ၏ ထိုထက် လေးနက်သော ရှင်းလင်းချက်မှာ အမျိုးသားပြည်နယ်များ ပူးပေါင်း၍ ပြည်ထောင်စုကို ဖွဲ့စည်းရာ တွင် အခြေခံရမည့်မူမှာ တန်းတူရေး principle of equality ဖြစ်ကြောင်း တင်ပြခဲ့ရုံ မက တန်းတူရေးကို ပို၍ ခိုင်မာစေသော အချက်မှာ ၁၉၄၇ ဖွဲ့စည်းပုံအခြေခံဥပဒေတွင် ခွဲထွက်ခွင့်ကို ရေးဆွဲ ပြဋ္ဌာန်းခြင်းဖြစ်သည်။

ခွဲထွက်ခွင့်ဆိုသည်မှာ အမျိုးသားပြည်နယ်များသည် မိမိဆန္ဒအလျှောက် ပြည်ထောင်စုအတွင်း ပါဝင်လာ ခြင်း ဖြစ်ပြီး ပြည်ထောင်စုထဲ ပါဝင်ခြင်းဖြင့် အကျိုးမရှိဟု ယူဆသောအခါ မိမိ ဆန္ဒအလျှောက် လွတ်လပ်စွာ ခွဲထွက် နိုင်သည့် အဓိပ္ပါယ် ဖြစ်သည်။

ထို့ကြောင့် ဗမာစစ်ဝါဒီများက ခွဲထွက်ခွင့်ကို လက်ညိုးထိုး၍ တိုင်းရင်းသားများအပေါ် ဖိနှိပ်သတ်ဖြတ် ၀ါဒမှိုင်းတိုက်နေခြင်း သည် လုံးဝမှားယွင်းသော လုပ်ရပ် ဖြစ်ပေသည်။

မည်သည့် လူမျိုးမဆို ကိုယ့်လူမျိုး ဘာသာ သာသနာ စာပေ ယဉ်ကျေးမှုများကို မပျောက်မပျက် ထိန်းသိန်းကာ ကိုယ့်ကြမ္မာကိုယ် ဖန်တီးခွင့်ရချင်သူချည်းသာ ဖြစ်မည်။

သို့အတွက်လည်း ဗြိတိသျှ ကိုလိုနီလက်အောက်မှ ဗမာ အပါအ၀င် တိုင်းရင်းသားများ အတူတကွ လွတ်လပ်ရေးရယူ ခဲ့ခြင်းဖြစ်သည်။

တကယ့်လက်တွေ့အခြေအနေတွင် တိုင်းရင်းသားတို့ဘ၀မှာ ဗြိတိသျှ ကိုလိုနီလက်အောက်မှ ဗမာစစ် ကိုလိုနီလက်အောက် သို့ ပြောင်းလဲ ကျရောက်နေသည်နှင့် မခြားတော့ဟု ဆိုလျှင် လွန်မည်မထင်ပေ။

အဘယ့်ကြောင့်ဆိုသော ယနေ့တိုင်းရင်းသားတို့ ကြုံတွေ့နေရသည့် အခြေအနေသည် ဗြိတိသျှ ကိုလိုနီစနစ်တွင်နေရ သည်ထက် ပိုဆိုးနေသောကြောင့် ဖြစ်သည်။

ထိုသို့ပြောခြင်းသည် ဗြိတိသျှကိုလိုနီစနစ်ကို အလွမ်းသည်နေခြင်းမဟုတ်ပါ။

ကျွန်ဖြစ်သည်ဆိုလျှင် မည်သူ့ကျွန်ဖြစ်စေ ဖိနိပ်ခံဘ၀တွင်သာရှိသောကြောင့် မကောင်းပါ။ ကိုယ့်အိမ်ကိုယ်မြေအတွင်း လွတ်လပ်စွာ နေထိုင်လုပ်ကိုင်စားသောက် ပိုင်ခွင့် မရှိသော ဘ၀ မှာ ကျွန်ဖြစ်သည်နှင့် အတူတူပင် ဖြစ်ပါကြောင်းတင်ပြ လိုက်ရပါသည်။



ဖတ်မိတဲ့ ဆောင်းပါးလေး ကိုကြိုက်လို့  ဒီနေရာ လေးကနေ ပြန်သယ်လာပြီးတင်မိတာပါ ။ အကြောင်းမတိုက်ဆိုင် တဲ့ လူ ၊ သဘောထားခြင်းမတိုက်ဆိုင်တဲ့လူများ အတွက်မဟုတ်ပဲ ၊ ရိုးရိုးစင်းစင်းလေး တွေးမိပြီး သဘောထားခြင်း တူတဲ့ လူများကို သာ ဖတ်စေလိုပါသည် ။ မည်သူ့ ကိုမျှ ထိခိုက်စေလိုသော် သဘောထားမပါရှိသောကြောင့် နားလည် ခံစားပြီး ဖတ်ရှု ကျပါလို့ ။ ငယ်တုန်း က တည်းက တိုက်ပွဲကြားထဲမှာ ကြီးပြင်းလာရလို့  ခံစားမိတာလေးနဲ့ ထပ်တူကျလို့  ကြိုက်မိတာလေးပါ ။